Home / pakistan News / کوئٹہ میں نیا پاکستان ہاؤسنگ اسکیم منصوبے اور ہم کرپٹ حکمرانوں کو لوگوں کیلئے نشان عبرت بنائیں گے۔وزیراعظم عمران خان

کوئٹہ میں نیا پاکستان ہاؤسنگ اسکیم منصوبے اور ہم کرپٹ حکمرانوں کو لوگوں کیلئے نشان عبرت بنائیں گے۔وزیراعظم عمران خان

کوئٹہ
وزیراعظم عمران خان نے کہا ہے کہ ہم کرپٹ حکمرانوں کو لوگوں کیلئے نشان عبرت بنائیں گے، کوئی اقتدار میں آکر کرپشن نہ کرے، ہمارا مسئلہ ڈاکوں ہیں جو باربار اوپر آجاتے ہیں، 10 سالوں میں جن حکمرانوں نے قرضہ چڑھایا ہو تو آپ کو دشمنوں کی ضرورت نہیں ہے، وزیراعلی بلوچستان کو ہدایت کی کوئٹہ کا ماسٹرپلان ضرور بنائیں، شہر کو پھیلنے سے روکیں،ہم نے بلوچستان کی مدد کرکے پورے پاکستان کو اوپر اٹھانا ہے، پاکستان میں غریبوں اور پیچھے رہ جانے والے علاقوں کیلئے میں اللہ کو جوابدہ ہوں،ہمارے نوجوان کو چاہیے کہ سرکاری ملازمتوں کی بجائے اپنا کاروبار شروع کریں۔

وزیراعظم عمران خان کا کہنا ہے کہ پاکستان میں صرف پیسے والے گھر بناسکتے ہیں، کرپشن کی وجہ سے تنخواہ دارطبقے کے لیے گھرہی نہیں بن سکتا
 اتوارکو کوئٹہ میں نیا پاکستان ہاسنگ اسکیم کا سنگ بنیاد رکھنے کی تقریب سے خطاب کرتے ہوئے وزیر اعظم عمران خان نے کہا کہ طارق بشیر کا تعلق تو ق لیگ سے ہے لیکن ان کی تقریرمیں تحریک انصاف کا جنون نظر آرہا تھا۔ وزیراعظم عمران خان سمیت کئی وزرا اور بلوچستان کابینہ کے ارکان اس تقریب میں موجود ہیں۔وزیر اعظم نے کہا کہ ایک آدمی کی سب سے بڑی ضرورت چھت ہوتی ہے جبکہ پاکستان میں صرف پیسے والے لوگ گھر بنانے کا سوچ سکتے ہیں۔ انہوں نے کہا کہ کرپشن کی ایک بڑی وجہ ہے کہ تنخواہ دار طبقہ اپنی آمدن سےگھرنہیں بنا سکتا۔عمران خان کا کہنا ہے کہ پاکستان میں گھربنانے کےلیے بینک سے قرضے لینے والوں کی تعداد اعشاریہ دو فیصد ہے،
 یورپ کے بعض ممالک میں یہ تعداد 80 فیصد ہے جبکہ ملائیشیا میں یہ تعداد 30اور بھارت میں 10فیصد تک ہے۔انہوں نے کہا کہ ہم بینکوں سے قرضے کے لیے قانون میں تبدیلی لارہےہیں۔ ہاوسنگ اسکیم سے 40سے زیادہ صنعتیں چلنا شروع ہوجائیں گی۔اس کے علاوہ وزیر اعظم عمران خان نے کہا کہ نوجوان اپنا کاروبار شروع کریں، یہ سنہری موقع ہے، وزیراعلی بلوچستان جام کمال سے گزارش ہے کہ کوئٹہ کا ماسٹر پلان بنائیں۔
دوران خطاب وزیر اعظم کا کہنا ہے کہ مدینہ کی ریاست ہرمسلمان کے لیے ماڈل ہے، یونیورسٹی کے طالب علم مدینہ کی ریاست کا مطالعہ ضرور کریں، بانیان پاکستان نے کہا تھا کہ پاکستان اسلامی فلاحی ریاست ہوگی جبکہ 60 ، 70 سال میں پاکستان اشرافیہ کا پاکستان بن گیا ہے۔انہوں نے کہا کہ آپ دیکھ رہے ہیں کہ پاکستان میں اب بڑے بڑے ڈاکو پکڑے جارہے ہیں ،میں مشرف دور میں 7 دن جیل میں رہا وہاں مجھے صرفغریب لوگ نظرآئے کیونکہ پہلے بڑے ڈاکوپکڑے ہی نہیں جاتےتھے بلکہ اسمبلیوں میں نظرآتے تھے۔ہماری ذمہ داری ہے کہ کمزور طبقے کو اوپر اٹھانا ہے۔ 
ان کا کہنا ہے کہ ماضی میں حکمرانوں نےبلوچستان پر اس لیے توجہ نہیں دی کہ وہ سمجھتےتھے کہ وہ بلوچستان کے بغیر بھی وزیراعظم بن سکتے ہیں۔ عمران خان نے کہا بلوچستان کے لوگ خوش قسمت ہیں کہ ان کوجام کمال جیسا وزیراعلی ملا۔
اس کے علاوہ وزیر اعظم نے کہا کہ مجھے کہتےہیں کہ میں پرانی باتیں کرتا ہوں، یہ باتیں نہ کروں توموازنہ کیسے ہوگا، دو جماعتوں نے ملک کے ساتھ جوکیا وہ دشمن بھی نہیں کرتا۔ کینسر نکالا جائے تو تکلیف توہوتی ہے لیکن پھرمریض ٹھیک ہوجاتا ہے۔عمران خان نے کہا کہ میں کینسراسپتال بنانے گیا تو لوگوں نے مذاق اڑایا، نمل یونیورسٹی بنانے گیا توتب بھی مذاق اڑایا گیا لیکن آج وہی کینسراسپتال پاکستان کا واحد اسپتال ہے جہاں 75 فیصد مریضوں کا مفت علاج کیا جاتا ہے اور نمل یونیورسٹی کا تجربہ بھی کامیاب رہا۔
ان کا کہنا ہے کہ ہمیں اندازہ نہیں کہ اللہ نے ہمیں کن کن چیزوں سےنوازا ہے،پاکستان کواللہ نے وہ نعمتیں دی ہیں جوشاید ہی دنیا میں کسی ملک کوملی ہوں۔اس کے علاوہ انہوں نے کہا کہ ملک لوٹنےوالوں کوایسی سزائیں دیں گےکہ لوگ آئندہ ملک لوٹنے سےڈریں گے اور یہ لوگ اس لیے ڈررہےہیں کہ عمران خان اگرحکومت میں رہا تویہ سب جیل میں ہوں گے۔
انہوں نے کہا کہ یورپ میں 80 سے 90 فیصد لوگ گھر بنانے کے لیے بینک سے قرض لیتے ہیں اور پاکستان میں اس کی شرح بہت کم ہے، ہم ایسا قانون لائیں گے جس کے ذریعے لوگ گھر بنانے کے لیے بینکوں سے آسان شرائط پرقرض لے سکیں گے
وزیراعظم عمران خان نے کہا کہ نوجوانوں کو کنسٹرکشن کمپنیاں بنا کر اپنا کام خود شروع کرنا چاہیے، گھروں کی تعمیر سے 40 کے قریب صنعتیں چلنا شروع ہوجاتی ہیں اور ملک میں کنسٹرکشن کا بے پناہ کاروبار شروع ہونے والا ہے۔
اس سے قبل وزیراعظم عمران خان نے کوئٹہ میں ہزارہ برادری کے وفد سے ملاقات کی اور ہزار گنجی دھماکے میں جاں بحق افراد کے لواحقین سے تعزیت کی اور فاتحہ خوانی بھی کی۔

About admin

Check Also

آصف علی زرداری کی گرفتار,اور کل یوم سیاہ منانےکا اعلان

پیپلز پارٹی سندھ نے آصف زرداری کی گرفتاری پر کل یوم سیاہ منانے کا اعلان …

Leave a Reply

Your email address will not be published. Required fields are marked *